GWAREDIGAETH WYRTHIOL.
Daeth Mr David Lloyd Jones (ieu), mab Mr David Lloyd Jones, watchmaker, High Street, adref yr wythnos ddiweddaf.Bu i'r gelyn suddo y llong yr oedd ef yn brif beirianydd arni gan ladd y capten, sef Capten Morgan, o Chwilog.
Bu Mr. Lloyd Jones a nifer o'r dwylaw mewn cwch bach yn y mor am 24 awr. Yr oedd ochr y cwch wedi ei saethu a'r gwaredigion mewn ymdrech galed i'w gadw rhag suddo.
Achubwyd hwy trwy i long awyr eu darganfod ac anfon llong i'w gwaredu. Yr oedd dau yn y cwch wedi eu clwyfo yn ddifrifol iawn.