NEWYDDION CHWERW.
Newyddion chwerw sydd yn dyfod yn aml i'r ardal. Yr wythnos diwethaf daeth hysbysrwydd fod Pte. Tommy Jones, Brynmorfa, wedi ei ladd mewn brwydr yn Ffrainc.Dyma un yn ychwaneg o fechgyn y Rhiw wedi rhoddi ei fywyd yn aberth drosom ni sydd yn byw mewn tawelwch gartref.
Bachgen pert ydoedd Tommy bob amser yn llawen. Chwith genym feddwl na chawn weled ei wyneb byth mwy. Difrifol ydyw meddwl fod ein bechgyn anwyl a hoff yn cael bedd mewn estron wlad. Rhyfedd ac ofnadwy ydyw pethau y dyddiau hyn. Heddwch i'w Iwch yn naear Ffrainc.
Y mae cydymdeimlad dwys a'i dad a'i chwaer a'i frodyr yn eu galar. Mae un o'r brodyr yn gwasanaethu ei wlad yn India. Nawdd y net fo drosto ac a'i dyg yn ôl i'w enedigol wlad.