YN GARCHAROR.
Yr wythnos hon derbyniodd teulu Private Willie Morris, Penrhydlyniog, lythyr oddiwrtho yn eu hysbysu ei fod yn garcharor yn Switzerland.Yr oedd ei deulu yn bryderus iawn yn ei gylch gan fod y Swyddfa Ryfel ers misoedd bellach wedi rhoi ar ddeall iddynt ei fod ar goll.
Mae'r pryder dwfn fu'n eu llethu yn ddyddiol am dano yn awr wedi diflanu, a hyderwn ei fod yntau yn nhy ei gaethiwed yn holliach.
Yr Udgorn 20/11/1918
NEWYDD PRUDD.
Daeth y newydd yr wythnos ddiweddaf fod Private Willie Morris, mab y diweddar Mr. Lewis Morris, Penrhydlyniog, wedi colli ei fywyd ar faes y gad.Yr oedd ar restr y rhai oeddynt ar goll ers misoedd. Yr oedd Private Morris o dueddiadau anturiaethus, ac yn wrol, a chanddo lu o gyfeillion.
Cydymdeimlir yn fawr a'r teulu yn eu colled drom.