MARW O'I GLWYFAU.
Derbyniwyd y newydd anymunol fod Private Edward John Turner, mab ieuengaf y diweddar Mr Mrs Thomas Turner, Ala Road, wedi marw o'i glwyfau yn yr Aifft ar y 12fed o'r mis hwn. Bu farw y llanc tirion a hynaws, ymhell o olwg câr a pherthynas, yn 21 mlwydd oed.Derbyniodd yr archollion mewn canlyniad i ysgarmes flin a ymladdwyd yn ddiweddar yn Nhir yr Addewid.
Yr oedd yn ddyn ieuanc a fawr hoffid gan bawb a'i hadnabu. Y mae brawd arall iddo. Private Llewelyn Turner, yr hwn fu yn y brwydrau caletaf ar gychwyn y rhyfel yn Ffrainc, yn awr yn Gaza.
Cydymdeimlir a'i chwaer a'i frodyr yn awr ddu eu profedigaeth.